En preludi au Carnaval Biarnés, Lescar que torna frequentar la tradicion ancestrau de la candelèra (Candelèra), periòde pendent la quau passam monde de l’escur, de la nueit, au de la lutz, deu só.

Rendètz-vos a 18h00 devath la hala deu Lescourre.

Que seram arcuelhuts peu contaire bearnés Serge Mauhourat e los cantaires petits de las escòlas de Lescar.

Puish que partiram dens la nueit a la lusor de las candelas, dens la partida mei escura deu valon, on anaram a l’encontre deus personatges mitics deus Pirenèus: daunas blancas, orsas dab los lors orsons, òmis sauvatges, entà fin finau retrobar la lutz, la vita, lo gai, dab jonglaires, musicians e dançaires. Qu’acabaram la nosta deambulacion a l’entorn de 19h30 a la sala de las hèstas entà ua tasta de crespèras e autas doçors. La serada que’s perseguirà e que s’acabarà per un bal trad . dab lo grop Papar’Òc.

Aquera serada qu’ei gratuita e organizada per l’associacion l’Esquireta en associacion dab las escòlas de Lescar e la Ciutat de las Arts.